Pas 15 vitesh pas hekurave për grabitjen më të madhe në historinë e Britanisë së Madhe, Lea Rusha është liruar nga burgu duke paguar lirimin me kusht. Kur një grup burrash sulmuan Securitas dhe u larguan me 53 milion £ ata bënë historinë për grabitjen më të madhe ndonjëherë në Britani.
Kjo grabitje është cilësuar si e dyta më e madhja në të gjithë botën. Në vitin 2006 Colin Dixon menaxheri i bankës u rrëmbye teksa po ngiste një automjet Nissan. Në grabitje u përfshi edhe Jetmir Buçpapa, një shqiptar nga Tropoja i cili kishte miqësi me Lea Rushan.
Puna e tij ishte të organizonte gjetjen e shtëpisë së menaxherit të bankës.
Bucpapa, djali i një inxhinieri dhe një mësuese, kishte shkuar në Britaninë e Madhe 9 vite para grabitjes, për një jetë më të mirë dhe ishte martuar me një grua angleze të cilën e kishte njohur në palestër. Ai punonte ndërkohë që fitonte para duke shitur kanabis.
Buçpapaj ishte njohur me Ermir Hysenajn, bashkëpunëtor në grabitje, në një kafe. Hysenaj ishte i brendshëm në sistemin e bankës dhe i jepte informacione bandës së tij duke filmuar pjesën e brendshme të depos duke përdorur një kamerë të vogël në brezin e tij.
