Ndonëse ishte dënuar më herët për trafik droge, një 46-vjeçar shqiptar në Greqi nuk ka zënë mend. Së bashku me një 54-vjeçar kanë rënë në pranga pasi shpërndanin sasi droge në të gjithë Athinën. Shqiptari raportohet se trafikonte drogë nga Atika Perëndimore drejt periferive jugore.
Kur e arrestoi policia në zonën e Agios Dimitrios, gjeti “2 pako me 670 gram kokainë, një pistoletë me karikator dhe 9 fishekë, 2 peshore elektronike, dy makina, 16600 euro dhe 33700 lekë shqiptare”.
Nga hetimet, rezultoi se dhjetë vite më parë ai ishte arrestuar sërish për trafikim të një sasie kokaine edhe për vjedhje. Policia i ka zbuluar edhe një “kript” në makinën e tij ku nuk kishte drogë.
Shoqëruesi i tij, 54 vjeç, akuzohet për trafik droge në zona të Atikës Perëndimore, ndërsa rreth njëzet vite më parë u arrestua sërish për trafik droge. Të arrestuarit për dy rastet janë dërguar në prokurori.
Discussion about this post