Christian Eriksen është në një moment shumë të vështirë të karrierës së tij, pas atakut në zemër që kaloi në verën e këtij viti në ndeshjen e Danimarkës për Europian.
Danezi ka qëndruar gjatë këtyre muajve jashtë fushës së blertë, pasi ka qenë duke u rikuperuar, megjithatë ai e dinte se që nga momenti i atakut se nëse do i duhej të mbajë defibrilator në zemër nuk do të mund të luante më për skuadrën e Inter.
Megjithatë së fundmi lojtari është rikthyer në stërvitje, të cilën po e bën në ambientet e ish-skuadrës të tij Odense dhe Enrico Augustinus, drejtori i këtij klubi shpjegon se nëse lojtari vendos të kthehet, ata do të ishin të gatshëm ta nënshkruajnë me të.
“Është qind për qind vendimi i Eriksenit. Nëse do të mund t’i jepnim një kontratë, do ta kishim bërë tashmë. Ne kemi një marrëdhënie të mirë me Christian. Ne kemi kontakte me mesazhe rregullisht dhe është mirë që ai mund të stërvitet në Adalen. Por ne vendosim një kontratë në tryezë për të derisa ai të vendosë nëse dëshiron të luajë përsëri futboll. Sigurisht që ka vend për Christian në Odense nëse vendos të luajë përsëri futboll”-u shpreh ai.
Megjithatë ende nuk dihet se si do të jetë gjendja shëndetësore e lojtarit apo nëse do të ketë ndonjë mundësi rikthimi te ‘Zikaltërit’ e Milanos./K.T/Gijotina.com
Discussion about this post