I kërkuar për 1 ton kanabis në Pejë, arrestohet në Cërrik anëtari i katërt i grupit kriminal

Arrestohet një tjetër pjesëtar i grupit kriminal që akuzohet nga autoritetet kosovare se fshihen pas laboratorit të drogës të ndërtuar në Pejë ku dhe u sekuestruan 1 ton kanabis

Në pranga ka rënë Mirjon Qokli. 27-vjeçari është arrestuar në Cërrik me qëllim ekstradimin në Kosovë.

“Si rezultat i shkëmbimit të informacioneve dhe koordinimit të punës, ndërmjet Komisariatit të Policisë Cërrik dhe agjencive ligjzbatuese në Kosovë, u bë e mundur kapja dhe arrestimi me qëllim ekstradimin në Kosovë, i shtetasit të shpallur në kërkim ndërkombëtar Mirjon Qokli, 27 vjeç, banues në Cërrik. Gjykata Themelore e Pejës i ka caktuar këtij shtetasi, masën e sigurisë “Arrest në burg”, për veprat penale “Kultivimi i bimëve të hashashit, shkurres së kokainës ose bimëve të kanabisit” dhe “Blerja, posedimi dhe shitja e paautorizuar e narkotikëve, substancave psikotrope dhe analoge”, parashikuar nga Kodi Penal i Republikës së Kosovës”, njoftoi policia lokale.

Ndërkohë, më herët u arrestuan Engjëllush Ibrahimi, Erion Etemaj e Albano Saliu.

• Engjëllush Ibrahimi, i lindur më 04.08.1985, në fshatin Pojan – I arrestuar
• Erion Etemaj, i lindur më 20.01.1990, në fshatin Shushicë – I arrestuar
• Eldi Mykaj, i lindur më 06.12.1997, në fshatin Ballsh – Në kërkim
• Albano Saliu, i lindur me datë 09.02.1991, Shqiptar – I arrestuar
• Mirjon Qokli, lindur me datë 09.10.1997, Shqiptar – I arrestuar