Lulzim Basha vijon replikat me Edi Ramën përmes video-ve në prag të zgjedhjeve, teksa ditën e sotme ka komentuar kërcimin e ministreve dhe deputeteve socialiste në mitingun hapës të fushatës.
Basha i drejtohet Ramës duke i thënë se i kishte vënë “shoqet për të kërcyer”, ndërkohë që më tej e pyet edhe për socialistët të cilët ndodhen në qeli. Ndër të tjera, Basha e paralajmëron sërish Ramën që të ketë kujdes, se një prej “shoqeve” sipas tij, ia ka bo gati topin dhe hallvën kryeministrit.
“O Rame, i kishe vënë shoqet me kërcy?! Po shokët mo Rame, t’u tundën ndonjë çik tek 7×7-313? Kujdes, se njona ta ka bo gati topin e hallvën Rame. Apo i ke marrë masat ti, i ke gati letrat për tek vendi. S’më tregove Rame, Elvis Roshin si e keni ndarë me bufin, ai paradite ti në darkë, apo një ditë bufi, një ditë ti? S’të ndahet shpirti nga bufi mo Rame, ti dhe bufi, bufi dhe ti jeni të pandarë. Bashkë doni me e mbajt Shqipërinë si pajën tuaj, po i keni bo gabim hesapet Rame. Edhe katër javë do shkojnë njerëzit me votu. Dorë për dore do ju përcjellin Rame, 7×7-313”, thotë Basha.
Discussion about this post