Zlatan Ibrahimovic pritet të jetë pjesë e formacionit fillestar të Milan kundër Bolognas, duke nisur ndeshjen e tij të parë pas pesë muajsh.
Sipas ‘La Gazzetta dello Sport’, Stefano Pioli ka të ngjarë të zgjedhë suedezin si sulmuesin e vetëm të Milan në ndeshjen e tyre në transfertë në Stadio Dall’Ara nesër.
Ibrahimovic e filloi ndeshjen e tij të fundit më 5 maj, në fitoren 3-0 të ‘kuqezinjve’ të Italisë ndaj Juventusit.
Gjatë asaj ndeshje, ai mori një dëmtim në gju që e detyroi të humbasë ‘Euro 2020’ dhe ndeshjet hapëse të sezonit të ri. 40-vjeçari ka tre paraqitje në të gjitha garat deri më tani, pas dëmtimit.
Ibrahimovic luajti 32 minuta kundër Portos të martën, duke zëvendësuar Olivier Giroud në pjesën e dytë./K.T/Gijotina.com
