Dy ish-konkurrentët më të famshëm të Big Brother Vip, Ilir Shaqiri dhe Donald Veshaj kanë qenë mbrëmë të pranishëm në festën e madhe të organizuar nga Top Channel për yjet e “BBV”.
Balerini i njohur shkoi paksa me vonesë në festë, pasi ishte i ftuar edhe në emisionin “Open”, ku foli për arsyen se pse zgjodhi që të merrte pjesë në këtë reality shoë.
Nga ana tjetër, aktori i humorit fillimisht u shfaq i veshur si Spiderman, personazhi që atij i pëlqen shumë dhe e ka treguar herë pas here teksa ishte brenda shtëpisë më të famshme në Shqipëri.
Por çfarë ndodhi mes dy ish-banorëve që mbetën të fundit për çmimin e madh prej 100 mijë euro? Këtë e ka treguar moderatorja, Arbana Osmani, përmes disa videove në “Instastory”. Arbana ka ndarë me ndjekësit disa imazhe ku Ilir dhe Donaldi përqafohen në momentin që takohen, e më pas ia marrin valles.
Edhe pse ata nuk e pranojnë, shumë ish-banorë por edhe opinionistët mendojnë se balerini dhe aktori mund të jenë miq të mirë pas përfundimit të “Big Brother VIP”.
Discussion about this post