Kryeministri i Kosovës, Albin Kurti gjatë vizitës së tij në Greqi ka dhënë një intervistë për median vendase “To Vima”.
Kurti ishte i ftuar në koferencën e organizuar nga “The Economist” dhe për gazetën greke ai ka folur edhe për dialogun Kosovë-Serbi. Ai thotë se kërkon një zgjidhje përmes dialogut me Serbinë, por nuk ka për të diskutuar statusin e Kosovës apo integritetin territorial.
Për të nuk duhen lejuar ngjallja e projekteve për shkëmbim territoresh si bosnjezimi i Kosovës.
Sa i përket marrëdhënieve me Greqinë, Kurti nuk e ka fshehur dëshirën që vendi helen ta njohë Kosovën dhe do e mirëpriste këtë vendim në të ardhmen.
