Partia Demokratike ka kërkuar nga SPAK të hetojë dhënat e publikuara në media për aktorin Gazmend Paja, ku thuhet do të investojë në 133 metra katror për ngritjen e një resorti turistik në Dhërmi, duke e cilësuar si investitor strategjik.
Deputeti demokrat Arbri Agalliu hodhi akuzuat se Paja njihet edhe si aktivist i Partisë Socialiste dhe për këtë duhet të hetohet nëse plotëson kushtet e investitorit strategjik apo është “qokë”.
“Aktori i mirënjohur Gaz Paja dhe njihet si aktivist i PS është aksioner apo pronar? Çfarë lidhje ka ky individ me këto kompani? A është i vërtetë fakti që është publikuar dje? Dhe a mund të quhet një katror humori investitor strategjik. Shqiptarë s’kanë bukë të hanë dhe këta hanë hartën e Shqipërisë. I bëj thirrje SPAK që të hetojë sa më parë nëse ky është një investitor që plotëson kushtet apo është qokë?” deklaroi Agalliu.
Më herët, Gijotina.com raportoi se aktori i humorit, Gazmend Paja është investitor strategjik në bregdetin e jugut, ndërsa mësohet se kompania e tij “Ecotech Energy Services” së bashku me kompaninë “Startek” do të investojnë në Dhërmi shumën prej 13.8 milionë euro.
Paja ka përfituar 133 mijë metra katrorë tokë për të ndërtuar “Dhërmi Restort” një kompleks luksoz që ka fokusin turizmin elitar, ku prite të ndërtohen vila dhe një hotel me pesë yje.
Discussion about this post