Ish-banorja e “Big Brother Vip Kosova”, Shota Baraliu nuk është përmbajtur në Prime-in e mbrëmshëm, teksa ka akuzuar produksionin se e ka eliminuar qëllimisht.
Ajo debatoi me moderatorin e “BBVK”, Alaudin Hamiti, i cili i tha se ka qenë publiku ai që e ka votuar për të dalë. Përveç akuzave, Shota u shpreh se produksioni nuk nxjerr shumë gjëra që ndodhin në shtëpi.
“Nuk jam penduar për asgjë që kam thënë, të gjithë i thoni këto kur jeni në kafe. Disa kanë qejf të dalin mirë në media edhe unë këtë dalje e kam dhuratë nga ju. Me vërtetoni që më ka nxjerrë publiku, produksioni të më sjellë mesazhet që më kanë votuar. Aty bëhet gjithçka dhe ju nuk i nxirrni”, tha Shota.
Teksa ishte ende pjesë e shtëpisë, Shota ka bërë një rrëfim mjaft prekës teksa ka qenë duke bërë një bisedë me Lugatin (Gjon Karrica), Getinjon dhe Vivien.
Aktorja ka folur për momentin kur ka humbur babanë e saj. Ajo zbuloi se ai ka pasur diabet si dhe e merr shpesh malli për të. Gjithashtu, Shota ka zbuluar edhe momentin kur ka marrë vesh lajmin e trishtë për të dhe familjen e saj.
Discussion about this post