Mamaja e ish-konkurrentit të “Për’puthen”, Atdhe Xharavina, ka vuajtur nga kanceri dhe lajmin e trishtë e ndau vetë ai pak kohë më parë në rretijn e tij social Instagram. Por, si e mësoi lajmin se e ëma ishte prekur nga sëmundja e rëndë?
Atdheu zbuloi në një intervistë që ka bërë ditën e sotme në “Wake UP”se ka qenë duke udhëtuar drejt Kosovës kur mjekët e vendosën në dijeni teksa shtoi se nuk ia tregoi nënës për një periudhë 4 javore.
“Lajmin e kam marrë unë i pari nga mjekët kur po shkoja për Kosovë. Nuk ia kemi treguar për 4 javë pastaj ia thamë me stil. Pastaj i thamë që është masë e vogël që hiqet. Por ajo e kuptoi. Nëse edhe ju keni raste të tilla do thotë që t’i qëndroni afër atij personit.”
Gjithashtu, lidhur me këtë çështje ish-konkurrenti pak javë më parë bëri gjestin që u komentua shumë në rrjetet sociale duke prerë flokët pasi tha se kishte vendosur t’i dhuronte për paruke, për të gjithë ata që vuajnë nga kanceri.
“Më keni pyet shumë arsyen pse kam vendos me i heq flokët, e vetmja arsye është që kisha kohë që doja me i heq kur m’u smur nëna ime gjëja më e shenjtë në jetën time me sëmundjen e kancerit por nuk më la me i heq atëherë. Dmth që doja të solidarizohesha me nënën time por falë Zotit është mirë me shëndet. Tash një ditë isha me repartin e onkologjisë bashkë me nënën dhe pashë gjithë ato gra ato nëna që vuajnë nga kjo sëmundje u ndjeva shumë keq dhe vendosa t’i heq flokët e mija dhe i dhurova për këto nënat tona që të bëhet paruke për ndonjërën nga ato. Të njejtën gjë vendosi ta bëjë dhe vëllai im sot, unë i kam dhuru në Shqipëri, vëllai do i dhurojë këtu në Kosovë. Zoti i ruajt të gjitha nënat tona kush vuan nga kjo sëmundje, dasht Zoti e kalojnë shpejt.”- rrëfeu ai.
Discussion about this post