Ish-konkurrentja, finaliste e “Big Brother 9”, Fjorentina Halili, gjatë një interviste në emisionin “Live From Tirana”, ka folur për ish-banorin e “Big Brother VIP”, Granit Cana.
Ajo shprehet se kur ish-futbollisti u bë pjesë e shtëpisë mendoi se ishte djalë shumë king, por sipas saj, sjellja e tij e ka lënë për të dëshiruar, duke e cilësuar më vonë si një person të bukur, por me pak tru në kokë.
“Në fillim kur ka hyrë kam thënë se është një djalë shumë king. Po të isha atje se di çfarë mund të bëja (qesh). Por sjellja e tij më ka lënë për të dëshiruar. Unë nuk do të doja kurrë një mashkull që bindet nga një femër, okej unë vërtet dua që të jem dominuese por edhe pak kështu të bëj kot që pastaj të më thonë që shiko se burri këtu jam unë”. Ndër të tjera ka shtuar se: “Granit je shumë i bukur por me pak tru në kokë. Graniti të mundohet që të mos humbasë atë që ka në krahë dhe familjen se njerëzit që njohu aty i ka sot e nesër si ka më”.
Fjorentina, përveç Granitit, ka folur gjithashtu edhe për reagimin që ka pasur Ardit Çuni, pasi ish-futbollisti u zgjodh që të linte shtëpinë.
“Unë nuk e pranoj dhe nuk e toleroj, sado mik ta kesh Fifin dhe të kesh shoqëri aty në ‘Big Brother’ je futur vetëm dhe normalisht do të luash lojën tënde. Nuk ka miqësi, ajo tregohet jashtë dhe jo aty brenda. Si mund të qeshësh ti me mërzitjen e dikujt?” – tha ish-konkurrentja.
Discussion about this post