Ish-kryeministra të Mbretërisë së Bashkuar, duke përfshirë Gordon Brown, David Cameron Boris Johnson dhe Theresa May, janë në rresht të parë ndërsa lexohet shpallja e mbretit të ri.
Charles III u shpall zyrtarisht mbret më 10 Shtator, në një ceremoni historike që mbahet në Pallatin St James të shtunën në mëngjes.
Këshilli i Aderimit, një grup i përbërë nga anëtarë të familjes mbretërore, kryeministrja dhe politikanë të tjerë të lartë dhe kryepeshkopi i Canterbury u mblodhën në Pallatin e Shën James, rezidenca zyrtare e sovranit, për të shpallur mbretin zyrtarisht.
Më 11:03 Penny Mordaunt shpalli vdekjen e Mbretëreshës Elizabeth II.
Më pas u lexua shpallja: Princi Charles Philip Arthur George është tani Mbreti Charles III. Flamujt e ulur në gjysmë shtizë pasi vendi është në zi pas vdekjes së mbretëreshës Elizabeth, u valëvitën në gjendje normale gjatë mbledhjes së Këshillit të Aderimit, i cili u transmetua për herë të parë live në televizion.
Disa shpallje të tjera do të bëhen në të gjithë Mbretërinë e Bashkuar deri të dielën, kur flamujt do të kthehen në gjysmështizë.
Shpallja zyrtare e Mbretit bëhet në City of London Royal Exchange, siç ndodhi me nënën e tij më shumë se 70 vjet më parë, shkruan BBC.
Në mesin e të pranishmëve ishte Camilla, gruaja prej 17 vitesh e Charles, e cila tani ka titullin e Mbretëreshës Consort, dhe djali i Mbretit, William, Princi i ri i Uellsit.
Në mbledhjen e Këshillit, Mbreti bën një deklaratë dhe një betim për të ruajtur Kishën e Skocisë – sepse në Skoci ka një ndarje të pushteteve midis kishës dhe shtetit.
Shpallja e parë publike e Mbretit do të bëhet nga ballkoni i Friar Court i Pallatit St James në Londër në orën 11:00, një moment që zakonisht shoqërohet me një spektakël që është bërë traditë prej shekujsh, ku trumbetistët luajnë një muzikë dhe ka ‘përshëndetje’ me armë zjarri në Hyde Park dhe në Kullën e Londrës.
Mbreti u zotua të ndiqte shembullin e mamasë së tij në fjalimin e parë të tij teksa iu drejtua kombit të premten në mbrëmje dhe foli për “dhimbjen e tij të thellë” për humbjen e nënës së tij, duke vlerësuar ngrohtësinë, humorin dhe “aftësinë e pagabueshme për të parë gjithmonë më të mirën tek njerëzit”.
Mbreti premtoi t’i shërbente kombit me të njëjtin “përkushtim të palëkundur” siç kishte mbretëresha e ndjerë gjatë mbretërimit të saj 70-vjeçar.
Charles u bë mbret në momentin që vdiq nëna e tij, por Këshilli i Aderimit mblidhet sa më shpejt që të jetë e mundur pas vdekjes së një sovrani për të bërë një shpallje zyrtare të pasuesit.
Discussion about this post