Iu konfiskua pasuria, lihet në fuqi kërkesa e SPAK (Emri)

Apeli i GJKKO ka lënë në fuqi vendimin për Çlirim Markun.

Kështu, pasuria e tij dhe e familjarëve, që u sekuestrua, do të mbetet nën sekuestro.

Çlirim Markun, Gjykata e Italisë ( Latinës),  e ka dënuar me 4 vite e 6 muaj burg për veprën penale” Organizatë kriminale ” dhe Shfrytëzim prostitucioni” parashikuar në nenet  81, 110 e 337 të Kodit Penal Italian.

NJOFTIMI I APELIT TE GJKKO
Gjykata e Posaçme e Apelit për Korrupsionin dhe Krimin e Organizuar, me trup gjykues të përbërë nga gjyqtarët Nertina Kosova (kryesuese), Saida Dollani (anëtare) dhe Igerta Hysi (anëtare), sot më datë 04.04.2023, shpalli vendimin lidhur me çështjen e regjistruar me nr. 1/75 akti, datë 12.04.2022 regjistrimi, mbi ankimin e paraqitur nga ankuesit Ç.M., E.M., K.M., N.M., kundër vendimit nr. 36/140, datë 11.02.2022 të Gjykatës së Posaçme të Shkallës së Parë për Korrupsionin dhe Krimin e Organizuar, që ka vendosur:
“1. Pranimin e kërkesës së Prokurorisë së Posaçme Kundër Korrupsionit dhe Krimit të Organizuar.
2. Konfiskimin dhe kalimin në favor të shtetit të pasurive si më poshtë :

•Pasuri e paluajtshme nr. {…}, zona kadastrale {…}, volumi {…}, faqe {…} e llojit truall me sipërfaqe 206 m2, si dhe godinë banimi me 3 kate + papafingo e legalizuar me lejen e legalizimit nr. {…} dt. {…} ndodhur në {…}.
•Pasuri e paluajtshme nr. {…}, zona kadastrale {…}, volumi {…}, faqe {…} e llojit apartament me sipërfaqe 93.4 m2, ndodhur në {…}.
•Pasuri e paluajtshme nr. {…}, zona kadastrale {…}, volumi {…}, faqe {…} e llojit apartament me sipërfaqe 107.8 m2 e ndodhur në {…}.
•Të drejtat që subjekti i aktit normativ {…} ka fituar në cilësinë e blerësit me kontratën premtim shitje nr. {…} rep. nr. {…} kol. dt. {…} mbi pasurinë e paluajtshme të llojit apartament me sipërfaqe totale 64.08 m2, ndodhur në lagjen {…}.
3. Heqjen e masës së sekuestrimit për pasurinë e paluajtshme të llojit apartament me sipërfaqe totale 64.08 m2, ndodhur në lagjen {…}, përfituar me kontratën premtim – shitje nr. {…} rep. nr. {…} kol. dt. {…} si dhe për pasurinë e luajtshme automjet i markës Mercedez Benz model ML 320, me targa {…} të sekuestruara me vendimin nr. 62 dt. 15.01.2021 të Gjykatës së Posaçme të Shkallës së Parë për Korrupsionin dhe Krimin e Organizuar…”.

Në përfundim, Gjykata e Posaçme e Apelit për Korrupsionin dhe Krimin e Organizuar vendosi:
– Lënien në fuqi të vendimit nr. 36/140, datë 11.02.2022 të Gjykatës së Posaçme të Shkallës së Parë për Korrupsionin dhe Krimin e Organizuar.