Ky është momenti kur 14-vjeçari Kosta.K vrau 8 bashkëmoshatarët e tij dhe rojen e një shkolle në Beograd. Në pamjet e publikuara shihet teksa i mituri futet në klasë ku nxënësit po bënin mësim dhe fillon të qëllojë mbi ta.
Ajo çfarë bie në sy është shënjestëra e 14-vjeçarit dhe mënyra e mbajtjes së armës. Ashtu si dhe shihet në video një prej shokëve të tij Kosta e ka vrarë me një plumb në kokë.
Ngjarja e rëndë ndodhi më 3 maj të këtij viti ku Kosta. K me armën e babait të tij hapi zjarr në shkollën ku studionte.
Ai vrau 9 persona, 8 nxënës dhe rojen, ndërsa mediat serbe raportuan se mbi 15 të tjerë mbetën të plagosur.
Menjëherë pas ngjarjes së rëndë ai mori në telefon policinë, ku dhe rrëfeu për krimin që kishte kryer. Forcat serbe vunë në pranga të miturin, gjithashtu edhe prindërit e 14-vjeçarit. Më herët u bë me dije se Kosta prej dy vitesh frekuentonte me babain e tij poligonin, aty ku dhe ishte mësuar të qëllonte me armë.
Në videon e parë janë momente pak para se të ndodhë tragjedia, ndërsa në të dytën shihet qartë teksa adoleshenti ekzekuton e plagos në mënyrë gjakftohtë shokët e klasës. Një tjetër masakër ndodhi një ditë më pas, ndërsa Serbia është vënë në alarm nga kërcënime të miturish, që paralajmërojnë ngjarje të ngjashme.
VIDEO E MOMENTEVE PAK PERPARA SE TE NDODHE TRAGJEDIA ME DISA NXENES TE VRARE
VIDEO E RENDE E MOMENTEVE TE MASAKRES
Discussion about this post