Në kuadër të Javës së Grassroots, Federata Shqiptare e Futbollit organizoi sot në Prrenjas një festival futbolli për vajzat e grupmoshës 7–11 vjeç, në bashkëpunim me Shoqatën Rajonale të Futbollit Elbasan. Në aktivitet morën pjesë rreth 60 vajza, duke u bërë pjesë e një dite të dedikuar për futbollin, argëtimin dhe promovimin e pjesëmarrjes së vajzave në sport.
Festivali synoi të krijojë një hapësirë gjithëpërfshirëse dhe motivuese, ku vajzat të kenë mundësi të angazhohen në aktivitete futbolli, të bashkëpunojnë me njëra-tjetrën dhe të zhvillojnë aftësitë e tyre përmes lojës.
Gjatë festivalit, vajzat u angazhuan në aktivitete të ndryshme futbolli, duke pasur mundësi të luanin, të bashkëpunonin me njëra-tjetrën dhe të shijonin një atmosferë pozitive e motivuese.
Aktiviteti u zhvillua me sukses falë bashkëpunimit të FSHF-së me Shoqatën Rajonale të Futbollit Elbasan dhe angazhimit të trajnerëve të përfshirë në organizimin e festivalit, në kuadër të nismave të vazhdueshme për zhvillimin e futbollit Grassroots dhe rritjen e pjesëmarrjes së vajzave në futboll.
Discussion about this post