Pas fitores me Zvicrën dje, Portugalia ka arritur të kualifikohet për në fazën e çerekfinaleve. Iberikët triumfuan ndaj zviceranëve në 1/8 e finales, duke dominuar totalisht ndeshjen.
Me këtë rezultat përfundoi dhe rrugëtimi i tre shqiptarëve që luajnë për Zvicrën, Granit Xhakës, Xherdan Shaqirit dhe Ardon Jasharit.
Shaqiri pas ndeshjes u shpreh shumë i zhgënjyer dhe u kërkoi falje tifozëve.
“Jemi shumë të zhgënjyer. Në emër të ekipit, u kërkoj falje të gjithë tifozëve që nuk arritëm të bënim paraqitjen tonë të zakonshme. Ne kemi plane të mëdha. Por ky është futbolli, herë pas here tregohen limitet. Kështu ishte edhe sot. Ne e humbëm lojën në pjesën e parë dhe më pas duhet të ndiqet rezultati. E përgëzoj Portugalinë për golat, por rezultati ishte padyshim shumë i lartë”.
Discussion about this post