Protesta e studentëve të pavaksinuar që u lanë jashtë dyerve të universitetit, është zhvendosur në këto momente përballë Ministrisë së Arsimit në “Rrugën e Durrësit”.
Studentët kanë zaptuar rrugët e për këtë arsye mjetet janë bllokuar.
Ata kërkojnë që vaksinimi me detyrim të hiqet si dhe nëse është e nevojshme, testi PCR të jetë falas.
Sakaq, një senator i Universitetit të Tiranës, është shprehur për mediat se studentët do të nënshkruajë një peticion, ku synojnë që brenda kësaj jave ta dorëzojnë pranë Kryeministrisë, Ministrisë së Arsimit dhe asaj të Shëndetësisë.
Sipas vendimit nga qeveria që sot shkaktoi revoltë, për t’u ulur në auditore, studentët duhet të paraqesin në hyrje certifikatën e vaksinimit, vërtetim që kanë marrë një dozë, vërtetim nga mjeku që ua pamundëson vaksinimin, vërtetim që kanë kaluar Covid, ose test PCR negativ çdo javë.
