Një aksident i rëndë në rrugën dytësore që lidh Tiranë me Durrësin në afërsi të Vorës. Sipas informacioneve paraprake, një kamion ka përplasur këmbësoren D.H 66-vjeçe, e cila ka humbur jetën pak minuta më vonë në spital.
Aksidenti ka shkaktuar radhë të gjata mjetesh në këtë aks, ndërkohë që edhe policia ka mbërritur me vonesë për shkak të trafikut. Sipas informacioneve, drejtuesi i mjetit ishte një shtetas maqedonas, i cili është shoqëruar menjëherë në polici.
Në ditët e fundit është shtuar numri i aksidenteve në aksin rrugo Tiranë-Durrës dhe sipas banorëve çdo ditë e më shumë po bëhet i rrezikshëm kalimi aty, për shkak të punimeve që po bëhen dhe trafikut të madh.
