Pas kryeministrisë, dhe ministria e Jashtme përgënjeshtroi lajmin se në Shqipëri do të ngrihet një kamp për strehimin e azilantëve nga vendet e treta.
Ministrja Olta Xhaçka e ka quajtur lajmin nga mediat angleze një sajesë të turpshme dhe të rreme, duke thënë se vendi ynë nuk do të kthehet në një qendër ku vendet më të mëdha e më te pasura të depërtojnë azilantët e tyre.
“Është kaq e turpshme lajmi i rremë që përhapet në mediet britanike për një kamp refugjatësh në Shqipëri për të “ndaluar emigrantët që kalojnë kufirin nga Franca. Shqipëria do të presë me krenari 4000 refugjatë afganë bazuar në vullnetin e saj të mirë, por kurrë nuk do të jetë një qendër e politikave kundër imigracionit të vendeve më të mëdha dhe më të pasura. Ne kemi udhëzuar ambasadën tonë në MB për të kërkuar tërheqjen e këtij lajmi të rremë”, shkruan Xhaçka.
Tabloidi britanik “The Sun” njoftoi se të gjithë klandestinët që do të kapen në Britaninë e Madhe dhe kërkojnë azil, fillimisht do të sillen në Shqipëri, ku do të ngrihet një qendër pritjeje. Biseda për këtë çështje është bërë gjatë vizitës së ministres së Brendshme britanike, Priti Patel javë më parë në Shqipëri.
