Një 32-vjeçar shqiptar është arrestuar nga autoritetet italiane, pas një operacioni për parandalimin e trafikut të drogës. Në pranga përfundoi dhe një 50-vjeçar italian, të cilët janë kapur me një sasi të konsiderueshme kokaine.
Sipas asaj që thuhet nga policia italiane i gjithë operacioni është realizuar në një kantier ndërtimi në Via della Motta, pasi oficerët kanë vënë re një italian me motoçikletë që ka hyrë në një pjesë të kantierit dhe pas tij ka mbërritur 32-vjeçari shqiptar.
Pas pak kohësh qëndrimi brenda në pallat të dy i janë drejtuar një makine ku ndodhej edhe lënda narkotike kokainë.
Ata kishin ndërtuar një sistem të sofistikuar brenda bagazhit ku ishte fshehur droga. Poshtë bagazhit ishte bërë një ndarje e aksesueshme nëpërmjet një sistemi të aktivizuar nga dy magnet.
Për të dy të arrestuarit është caktuar masa e paraburgimit.
Discussion about this post