RTI Esporte raporton se trajneri aktual i Shqipërisë, Sylvinho, është në listën e ngushtë të kandidatëve për të marrë drejtimin e klubit të njohur brazilian, Botafogo.
John Texor, presidenti i Botafogo-s vazhdon bisedimet me Roberto Mancini-n, ku italiani mësohet se ka kërkuar 500 mijë euro rrogë në muaj përveç bonuseve të tjera. Të dy palët janë ende në negociata, por nuk përjashtohet fakti që presidenti i Botafogo-s po vlerëson edhe kandidatë të tjerë.
Një nga emrat që është në tavolinën e Texor është edhe ai i Sylvinho-s, por për brazilianin që drejton kombëtaren e Shqipërisë nuk ka ende një propozim zyrtar deri tani.
Sylvinho ka kontratë me Shqipërinë deri në fund të kualifikueseve të Botërorit dhe duket tërësisht i fousuar për të arritur objektivin historik që ka kombëtarja jonë siç është kualifikimi për herë të parë në një Kupë Bote.
Por, nëse merr një propozim zyrtar nga Brazili që mund të jetë edhe më i leverdisshëm nga ana ekonomike, mbetet për t’u parë se çfarë do vendosë tekniku brazilian.
Discussion about this post