Kukësi duket se është rikthyer me një fytyrë tjetër pas pauzës së fundvitit. Verilindorët triumfuan me shifrat 3-1 në shtëpi ndaj Pogradecit, në sfidën e vlefshme për javën e 18-të në Kategorinë e Parë.
Fitore e merituar nga skuadra e Alfred Allamanit, e cila i dhuroi suksesin në debutim trajnerit. Luis Bircaj ishte në formë të shkëlqyer në pjesën e parë, pasi shënoi dy herë, në minutat 12 dhe 40.
Pogradeci tentoi të reagojë në pjesën e dytë, duke ngushtuar diferencat në 2-1 me Kasmollarin në minutën e 74-t, por Sefa dha goditjen përfundimtare, duke shënuar në minutën e 78-të golin që vulosi rezultatin 3-1.
Me këtë fitore, Kukësi ngjitet në vendin e tetë me 20 pikë, ndërsa Pogradeci mbetet në vendin e gjashtë në renditje me 23 pikë të grumbulluara.
Discussion about this post