Një 29-vjeçar ka rënë në prangat e policisë së Bulqizës pasi përndiqte dhe kërcënonte në mënyrë të vazhdueshme një 31-vjeçare.
Sipas njoftimit, ka rënë në pranga A. C., 29 vjeç, banues në Bulqizë, pasi ka përndjekur në mënyrë të vazhdueshme një 31-vjeçare, si dhe e ka kërcënuar e shantazhuar nëpërmjet mesazheve në telefon.
“Përndiqte dhe kërcënonte në mënyrë të vazhdueshme një shtetase, arrestohet në flagrancë nga Policia 29-vjeçari. Nga specialistët për Hetimin e Krimit në Komisariatin e Policisë Bulqizë, u bë arrestimi në flagrancë i shtetasit A. C., 29 vjeç, banues në Bulqizë. Arrestimi i tij u bë pasi, ka përndjekur në mënyrë të vazhdueshme një 31- vjeçare, si dhe e ka kërcënuar e shantazhuar nëpërmjet mesazheve në telefon”, njofton policia.
Materialet procedurale i kaluan Prokurorisë pranë Gjykatës së Shkallës së Parë Dibër për veprime të mëtejshme.
Discussion about this post