Eridian Salianji, përfaqësues i Partisë Socialiste në Komisionin Qendror të Zgjedhjeve, deklaroi se kërkesat e opozitës për rishikimin e zgjedhjeve janë të pavlefshme.
Gjatë mbledhjes së KAS mëngjesin e sotëm, ai i cilësoi deklaratat e PD si shpifje, dhe se efektin ligjor e kanë zero.
“Në lidhje me kërkesën e PD efektin ligjor e ka zero, është kërkesë e mbështetur në deklarata politike të cilat në shumicë janë shpifje ndërsa në rastin më të mirë janë opinione“, tha Salianji.
PD-AN ka dorëzuar 10 dosje voluminoze në KAS ku sipas saj faktohet tjetërsimi dhe manipulimin e votës së qytetarëve në 9 qarqe të vendit duke kërkuar shpalljen e zgjedhjeve të pavlefshme dhe rivotim në këto zona.
