Kërkohej në të gjithë botën, kapet në Tiranë 29-vjeçari i dënuar për drogë

Një trafikant droge që kërkohej nga autoritetet Italiane në të gjithë botën ka rënë sot në prangat e policisë në Tiranë. I arrestuari është me shtetësi shqiptare banues në Tiranë. Bëhet fjalë të 29- vjeçarin e identifikuar me iniciale Gj. L., i cili është lokalizuar nga Interpol Tirana, me qëllim ekstradimin drejt Italisë, pasi akuzohet për “Trafikim të narkotikëve”.

Gjykata e Bergamos, Itali, ka lëshuar urdhër-arrestin ndërkombëtar për për këtë vepër penale, me të cilin trafikanti shqiptar pritet të përballet me vitet e burgimit që do të vuajë.

Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.