Një shqiptar i Kosovës është vënë në pranga nga policia, pasi ishte në kërkim ndërkombëtar për dy vepra të rënda penale. Burime nga policia për gijotina.com bëjnë me dije se është arrestuar personi i identifikuar me iniciale B. R, 44 vjeç, banues në Doberçan, Kosovë, në hyrje të Pikës së Kalimit Kufitar Morinë.
Gjatë verifikimit të të dhënave në sistem, i arrestuari në fjalë ka rezultuar person në kërkim ndërkombëtar nga Interpol Paris, Francë, pasi Tribunali Gjyqësor i Mulhouse Francë, ka caktuar ndaj tij masën e sigurisë “Arrest në burg”, për veprat penale “Vjedhja me dhunë” dhe “Grup i strukturuar kriminal”.
Në përfundim të veprimeve hetimore, policia kufitare arrestoi me qëllim ekstradimin e tij drejt Francës, mbështetur në “Konventën Evropiane të Ekstradimit” të vitit 1957.
Discussion about this post