Po mbahet në Apelin e GJKKO seanca për ankimimin e kryebashkiakut Erion Veliaj ndaj masë së sigurisë “Arrest me burg”. Raportohet se avokati i Veliajt, Ermir Beta është duke bërë parashtrimet dhe duke këmbëngulur që kjo masë sigurie të shfuqizohet.
Burime nga brenda seancës bëjnë me dije se avokati i Veliaj, Ermir Beta është duke bërë parashtrimet dhe duke këmbëngulur që kjo masë sigurie të shfuqizohet dhe se zotit Veliaj t’i jepet mundësia të dalë nga paraburgimi. Ai ka thënë se Veliaj nuk ka asnjë rrezik të prishë provat apo t’i dëmtojë ato si dhe as të intimidojë dëshmitarët.
Avokati amerikan, Joshua Roberts u pretendua se është pjesë e stafit mbrojtës të kryetarit të bashkisë së Tiranës, Erion Veliaj.
Joshua Roberts sot ka shkuar në rolin e vëzhguesit në Apelin e GJKKO për të ndjekur nga afër seancën ku Veliaj kërkon lirimin, por avokati amerikan nuk është lejuar të jetë prezent.
Një ditë më parë ai u shpreh per mediat se ka ardhur si vëzhgues dhe se do këshillojë avokatët e Erion Veliajt, të cilët në Apel kanë kërkuar lirimin me kusht.
Avokati Joshua Roberts eshte pjesë e studios ligjore amerikane Kasowitz Benson e Torres LLP.
Discussion about this post