Berisha: Pasi përjashtuan kompanitë evropiane, 1.5 miliard euro shkuan vetëm për 10 firma shqiptare!

Kryetari i Partisë Demokratike, Sali Berisha, në një konferencë për shtyp, ka akuzuar qeverinë për përqendrim të madh të fondeve publike në një numër të kufizuar kompanish shqiptare në sektorin e ndërtimit dhe infrastrukturës.

Sipas tij, rreth 1.5 miliardë euro nga tenderat publikë janë shpërndarë vetëm tek disa firma vendase, duke përjashtuar kompani evropiane dhe amerikane nga garat. Berisha përmendi disa kompani konkrete dhe pretendoi se një pjesë e tyre kanë lidhje të afërta me figura politike, duke e cilësuar situatën si “koncentrim të madh dhe problematik të prokurimeve publike”.

Ai gjithashtu akuzoi për abuzim me fondet publike në disa institucione dhe projekte shtetërore, duke e konsideruar këtë si një dëm të madh ekonomik për vendin.

“Shikoni këtu. Pasi janë përjashtuar të gjitha kompanitë evropiane dhe amerikane qofshin, të gjitha, shikoni fitimtarët e tenderave tani.

Kompania Gjoka-Olsi Rama. Dhe ky Gjoka e ka pasion shumë Olsin ky. A e keni vënë re apo jo? Ja ku e keni. Shikoni. Gjeniu i prokurimeve paçka se i shemben rrugët si kashtë. Urdhëroni. Ky paguhet më shumë se të gjithë të tjerët. Kompania Gjoka-Olsi Rama Kontruksion.

Tjetër. Kompania 4AM. Këtë nuk e di se kush e ka, por do ta gjejmë.

Famozi Salillari.

Fusha nuk mund të mungonte kurrsesi.

Modeste. Edhe kjo vjen pas Fushës.

GBG kompani. Edhe kjo. Këta duhet t’i gjejmë të gjithë kush janë.

Urdhëroni pra, 10 kompani, 1 miliard e gjysmë euro. Koncentrim total mafioz pa tendera.

Kompania Gjoka-Olsi Rama Konstruksion, pothuajse 500 milionë euro tendera në vit. Imagjinoni ju se ku shkon.

Tani, ku kanë shkuar 1 miliard e 500 milionë euro.

Lubia. Lubia urdhëroni sa ka marrë. Rreth 1 miliard e 400 milionë.

Dhe kur unë thosha që kjo, gjatë gjithë mandatit të saj, ka shpërdoruar, ka vjedhur dhe ka shpërdoruar 12 miliardë euro, kishte njerëz që mendonin se ka një ekzagjerim.

Ja ku e keni.

Urdhëroni Lubia sa ka marrë.

Pastaj vjen Fondi Shqiptar i Zhvillimit me Agollin e famshëm, që lumturoi djalin me 500 milionë, Gidën me autor kuzhinierin e djalit.

Pra, me një fjalë mbi 300 milionë ka pasur vitin e kaluar vetëm Lindat e AKSHI-t.

E kuptoni ju apo jo se ç’ka qenë kjo?“, u shpreh Berisha.