Deputeti demokrat Saimir Korreshi është shprehur me dhimbje dhe revoltë lidhur me fatkeqësinë e shkaktuar nga zjarri, që goditi dhjetëra bizneseve dhe qindra familje në Lushnjë pikërisht ditën e Krishtlindjeve. Ai ka akuzuar reagimin tejet të vonuar të shtetit për të mbrojtur qytetarët e tij.
Reagimi
Drama e Krishtlindjeve në Lushnjë, fatmirësisht ishte pa viktima, Shteti tregoi edhe njëherë që është brekëgrisur. Erdhën, panë e na thanë se çdo gjë u vu nën kontroll dhe në mbrëmje u dogj gjithçka!< shkruan ndwr tw tjera Korreshi.
Një çorganizim i organizuar që na tregoi se sa në mëshirë të fatit jemi dhe se sa pak mjete ka shteti ynë për të përballuar një situatë të tillë. Nuk po flas për zjarrfikësen e Lushnjës, për pajisjet dhe makinën e saj që nuk do të fikte një kosh plehrash.
Heronj?! – Mbrëmë kishte shumë. RENEA, që ka marrë mbi shpinë banorët në atë tym e flakë të llahtarshme; zjarrfikësit, që pavarësisht kushteve, luftuan me shpirt; banorët lushnjarë, që u solidarizuan e ndihmuan!
Shërim të shpejtë të lënduarve e kurajë për ata që humbën djersën e tyre në ditë Krishtlindjesh.
Discussion about this post