Qytetarët e Kosovës kërkojnë përgjigje nga qeveria e cila ka marrë përsipër që të strehojë emigrantët afganë.
Në një shkrim të publikuar sot, Gazeta Ekspress shkruan se edhe pse Presidentja Vjosa Osmani ia ka dhënë dritën e gjelbër SHBA-së për pranimin e refugjatëve nga Afganistani në Kosovë, ende nuk dihet se ku do të rrinë këta të fundit.
Një opsion ishte kampi në Vushtri, por sipas medias në fjalë, ky kamp nuk ka kushte. Edhe pse afganët mund të shkojnë nga momenti në moment në Kosovë, qytetarët ende nuk e dinë vendstrehimin e tyre.
