“Rikthimi i madh i LDK-së është i pashmangshëm”. Kështu deklaroi të shtunën kryetari i LDK-së, Lumir Abdixhiku, gjatë një takimi me struktura e qytetarë të Komunës së Deçanit. Ai theksoi se po bëhet punë e palodhshme nga strukturat e partisë; në nivel qendror e lokal, ku siç tha, entuziazmi dhe vullneti për punë i njerëzve është dëshmi se rikthimi duhet të ndodhë.
“LDK-ja prej se ka filluar hartimin e programit të saj; ka mbajtur takime fillimisht me grupe ekspertëve dhe pastaj ka vazhduar aktivitetin e saj në terren. Po takojmë qytetarë të shumtë; punëtorë, ndërmarrës, biznese e grupe interesi për t’i dëgjuar nga afër problemet dhe sfidat e tyre të cilave do tu japim zgjidhje përmes platformës tonë e cila si burim ka zërin qytetar; ndërsa kjo platformë do ta ketë programin më përmbajtësor që Kosova ka patur ndonjëherë”, u shpreh Abdixhiku.
Ai tha se LDK ka hapur dyert për profile të reja, njerëz profesionistë të jashtëzakonshëm të cilët çdo ditë po shprehin interesim për të kontribuar për zhvillimin e vendit përmes platformës së LDK-së, e cila “padyshim do të jetë oferta më e mirë për qeverisje”.
Discussion about this post