Kryetari i partisë së majtë greke në opozitë, Syriza, Stefanos Kaselakis, propozoi dje, pas një takimi me përfaqësues të komunitetit shqiptar në Greqi, që gjuha shqipe të bëhet lëndë me zgjedhje në shkollat greke, si dhe greqishtja si lëndë me zgjedhore në shkollat shqipe, raporton Prototema.
“Emigracioni është një çështje që Syriza nuk e ka përdorur kurrë si mjet në raport me partitë e tjera në vendin tonë dhe ne jemi krenarë për qëndrimin e përgjegjshëm që kemi mbajtur”, theksoi Kaselakis, shkruan Protothema.
Ai vuri në dukje se problemet me të cilat ballafaqohet komuniteti shqiptar në Greqi janë të mëdha, për pasojë pasiguria e tyre është shtuar vitet e fundit.
“Nuk mund të flasim për rinovimin e vendbanimit për tre vjet, kur duhen dy vjet e gjysmë për të pranuar aplikimin. Me fjalë të tjera, ne në thelb po i vendosim këta njerëz, me të cilët jetojmë në të njëjtin shtet, në një krizë pengjesh”, ka thënë Kaselakis.
Në të njëjtën kohë, siç shpjegoi ai, marrëdhëniet mes dy vendeve duhet të shikohen në mënyra të ndryshme, kreative. Në këtë kontekst ai përmendi si shembull temën e zgjedhjes së gjuhës së dytë të huaj.
“Këtu në Greqi nuk e kemi shqipen si gjuhë të zgjedhur. Ashtu si Shqipëria do të duhej të kishte greqishten si gjuhë me zgjedhje në të gjithë territorin e Shqipërisë”, tha ai.
Discussion about this post