Kryetari i bashkisë së Enerhodar, qyteti ku ndodhet centrali bërthamor i Zaporizhzhia, Dmytro Orlov, ka reaguar për sulmin e trupave ruse, të cilët kanë marrë tashmë kontrollin e centralit. Kryebashkiaku është shprehur këtë mëngjes se qyteti aktualisht nuk ka ngrohje, për shkak të dëmtimit të centralit nga bombardimi.
“Për shkak të dëmtimit të rrjetit të ngrohjes gjatë bombardimeve ruse gjatë natës, Enerhodar nuk ka ngrohje. Aktualisht jemi duke punuar për restaurimin e tij”, ka thënë kryebashkiaku.
Më tej, Orlov ju ka bërë thirrje banorëve, që e kanë kaluar natën jashtë banesave të tyre, që të kthehen në shtëpi, por ka rekomanduar që të shmangin kalimin e kohës jashtë, për shkak se sipas tij, “situata është jashtëzakonisht e tensionuar”.
“Sa i përket situatës në qytet, tani rrugët janë të qeta, nuk ka të panjohur. Ata kanë që kanë qëndruar natën në strehimore, mund të kthehen në shtëpi. Megjithatë, për shkak të situatës jashtëzakonisht të tensionuar, rekomandojmë që njerëzit të mos qëndrojnë jashtë, por nëpër banesa”, ka përfunduar kryebashkiaku.
Discussion about this post