Tjetër zyrtarizim nga Kukësi pak orë pas mbylljes së merkatos. Klubi verilindor ka njoftuar nënshkrimin me një sulmues kolumbian, me përvojë edhe në futbollin brazilian. David Martinez, 21-vjeçar, ka nënshkruar për dy vjet e gjysmë.
Njoftimi i Kukësit:
“Futboll Klub Kukësi njofton se sulmuesi i majtë, Juan David Martinez është zyrtarisht futbollist i skuadrës sonë! Futbollisti 21-vjeçar ka firmosur ditën e djeshme me klubin tonë një kontratë për 2 sezone e gjysmë, duke u bërë futbollisti më i ri në skuadër.
Kolumbiani vjen te Kukësi nga kampionati brazilian, aty ku së fundmi ishte pjesë e Fortalezas. Martinez ka luajtur më parë edhe me Coritiban në Brazil dhe me Cortuluan në Kolumbi. 21-vjeçari numëron edhe 18 ndeshje me Kolumbinë U17, ka ka realizuar 2 gola.
Klubi i Kukësit i uron mirëseardhje futbollistit Juan David Martinez dhe shumë suksese me fanellën e skuadrës sonë. Welcome Juan!
Skeda e Lojtarit:
Emri: Juan David Martinez
Mosha: 21 vjeç
Gjatësia: 1.79 m
Kombësia: Kolumbian
Pozicioni: Sulmues i majtë
Discussion about this post