Kukësi dhe Partizani janë ndarë në barazim 1-1 në ndeshjen e luajtur në kuadër të javës së 17-të të Kategorisë Superiore. Takimi u zhvillua në “Kukës Arena”, ndërsa Partizani humbi mundësinë e fitores në minutat shtesë të ndeshjes, pasi Murataj gaboi nga pika e bardhë e penalltisë.
Pjesa e parë e këtij takimi u mbyll me porta të paprekura, pavarësisht se nga të dyja anët pati disa raste për të shënuar.
U desh minutën e 80’ e lojës, që Beshiraj të realizonte dhe të kalonte “verilindorët” në avantazh. Ndërsa vetëm dy minuta më pas, në minutën e 82’ Mensah shënoi dhe u dha barazimi “Të kuqve” të kryeqytetit.
Në kohën shtesë Partizani fitoi penallti, që u morë përsipër të ekzekutohej nga Murataj në minutën e 90+11’, por që nuk ia doli, pasi e dërgoi topin në traversë.
Kukësi renditet momentalisht në vend të shtatë me 18 pikë, teksa Partizani renditet në vend të dytë më 32 pikë.
Discussion about this post