Një çantë e dyshimtë ka vënë në panik banorët e rrugës “Mustafa Matohiti”, paraditen e sotme, pasi është konstatuar e braktisur.
Në një njoftim zyrtar, policia njofton se çanta e shpinës u konstatua rreth orës 09:15, ndërsa ishte punonjësi i policisë në shërbim që ka njoftuar për ngjarjen.
Çanta është gjetur përballë ambasadës iraniane, njëkohësisht dhe përballë shtëpisë së ish-kryeministrit Sali Berisha, ndërsa dyshohej për lëndë plasëse.
Policia rrethoi zonën duke mos lejuar qytetarët të kalojnë për të shmangur rrezikun. Menjëherë pas alarmit, njësia anti-eksploziv ka mbërritur në vendin e ngjarjes. Pas ndërhyrje së specialistëve, u pa se çanta nuk përmbante eksploziv, por sende personale, si rroba dhe objekte të tjera.
