Pas një hetimi 4-mujor nën drejtimin si dhe Forcave “Shqiponja”, policia ka finalizuar me sukses operacionin policor e koduar “Kryezi”, në kuadër të të cilit u bë kapja dhe ndalimi i 7 personave të rrezikshëm.
Bëhet fjalë konkretisht për të arrestuarit me iniciale L. C, 55 vjeç, për veprën penale ‘’Kultivim i bimëve narkotike’’ Organizator i kultivimit të bimëve narkotike në territorin e fshatit Kryezi. .
D. H, 34 vjeç, për veprat penale ‘’Kultivim i bimëve narkotike’’ , ’’Mbajtja pa leje dhe prodhim i armëve , armeve shpërthyese dhe i municionit’’, ‘’Shpërdorim i detyrës “.
E. M, 21 vjeç, për veprat penale ‘’Kultivim i bimëve narkotike’’ , ’’Mbajtja pa leje dhe prodhim i armëve , armeve shpërthyese dhe i municionit’’,
A. M, 31 vjeç, për veprën penale ‘’Kultivim i bimëve narkotike’’.
K. Gj, 32 vjeç, për veprat penale ‘’Kultivim i bimëve narkotike’’ , ’’Mbajtja pa leje dhe prodhim i armëve , armeve shpërthyese dhe i municionit’’,
G. Gj, 36 vjeç, për veprën penale ‘’Kultivim i bimëve narkotike’’.
Xh. H, 32 vjeç, për veprat penale ‘’Kultivim i bimëve narkotike’’ , ’’Mbajtja pa leje dhe prodhim i armëve , armeve shpërthyese dhe i municionit’’.
Policia jep detaje se ndalimi i tyre është bërë pasi nga terësia e provave të sekuestruara rezulton se këta persona në bashkëpunim me njeri- tjetrin kanë kultivuar në territorin e fshatit Kryezi të rrethit Tiranë, një numër të konsiderueshëm bimësh narkotike të cilat u asgjësuan me djegie gjatë operacionit policor.
Nga kontrolli i ushtruar në banesat e tyre dhe gjate ushtrimit të kontrollit personal u konstatuan dhe u sekuestruan në cilësinë e provës materiale katër armë zjarri, një armë gjuetie, municion luftarak si dhe 11 telefona të ndryshëm, konkretisht, një kallashnikov, dy pushkë , një pistoletë dhe një çifte.
Po ashtu nga hetimet e kryera rezultoi se të arrestuarit dyshohet të jenë edhe autorë të tentativës për kultivim po në këtë fshat në vitin 2020.
Pritet që të rinjtë të përballen me akuzën për veprat penale, ‘’Kultivim i bimëve narkotike’’ , ’’Mbajtja pa leje dhe prodhim i armeve , armeve shpërthyese dhe i municionit’’, ‘’Shpërdorim i detyrës “.
