Linja e fluturimit “Lufthansa” ka anuluar sot, pasdite një fluturim Tiranë-Mynih si pasojë e një defekti teknik. Avioni është nisur në 14.40 nga pista e Rinasit dhe menjëherë pasi pilotët kanë dalluar defektin është kërkuar nga kulla e komandimit leje për ulje të detyruar.
Ky avion që shihni në foto, do të udhëtonte nga Rinasi drejt Mynihut, por për shkak të problemeve teknike, avioni është kthyer sërish në Rinas, njoftoi një burim pranë Aeroportit TIA për Gijotina.com.
Kjo ulje e detyruar ka shkaktuar panik tek udhëtarët, të cilët ishin të përgatitur për të arritur ne Munih si destinacion final, por iu është komunikuar se duhet të kthehen sërish në Rinas, pas këtij defekti.
Udhëtarët janë duke pritur në sallën e pritjes në Rinas dhe akoma nuk janë njoftuar se çfarë do të bëhet me udhëtimin e tyre apo rimbursimin e kostos së biletës.
Fillimisht qytetarëve iu është thënë se fluturimi do të shtyhet me dy orë, por pas arritjes së tyre në bord iu është komunikuar anulimi i tij për shkak të problemit teknik.
Kjo gjë ka sjellë irritim e pasagjerëve të kësaj linje të cilët kanë kërkuar shpjegime nga kompania mbi këtë situatë të krijuar, pasi askush nuk i ka njoftuar se kur do të kryhet udhëtimi sërish.
