Përplasjet në distancë ndërmjet Lionel Messit dhe presidentit të Barcelonës, Joan Laporta vijojnë ende. Së fundmi numri një i katalanasve ka theksuar se nuk i ka kërkuar argjentinasit të luante falas ndryshe nga çfarë pretendonte në fillim.
“Dua ta sqaroj një herë e mirë. A do të kishte luajtur Messi falas për një vit? Kurrë nuk i kam kërkuar Messit të luajë falas. Ai ka të drejtë sepse, përveç kësaj, ai është lojtari më i mirë në botë. Ne e dinim që ai kishte një ofertë të rëndësishme dhe ishte absurde t’i kërkonim të luante falas. Kërkesa duhej të vinte nga ai, jo nga unë. E thashë, është krijuar një polemikë që është e falsifikuar në origjinë”, tha Laporta.
Discussion about this post