2021 mund të quhet pa frikë si viti i rekordeve të Robert Lewandowskit. Sulmuesi polak ka barazuar një tjetër rekord të të madhit Gerd Muller, për numrin e golave të shënuar brenda një viti kalendarik me fitoren e thelë të Bayern Munich kundër Stuttgart.
Lewandowski realizoi 2 gola në fitoren 5-0 të së martës në Bundesligë, duke shkuar kështu në shifrën e 42 golave në vitin 2021. Ai kështu arriti rekordin e vendosur nga legjenda e Gjermanisë, Muller në vitin 1972. Ndërsa 3 golat e tjerë të këtij takimi për Bayernin i shënoi Sergej Gnabry.
Polaku mund të vendos një rekord më të lartë në ndeshjen e fundit të Bayernit këtë vit, të premten kundër Wolfsburg.
Rikujtojmë që në muajin maj sulmuesi shënoi një gol në minutën e fundit të sezonit 2020-2021 duke thyer rekordin e Muller për numrin e golave në një sezon./K.T/Gijotina.com
Discussion about this post