Kuvendi i Shqipërisë pritet të zhvillojë të enjten, më 23 korrik, seancën e fundit plenare të këtij sesioni parlamentar. Në qendër të diskutimeve do të jetë shqyrtimi dhe votimi i raporteve të hartuar nga Komisioni i Posaçëm për Reformën Territoriale.
Në seancë do të paraqiten dy raporte, ai i shumicës socialiste dhe raporti i opozitës. Megjithatë, për shkak të shumicës parlamentare prej 84 votash që disponon Partia Socialiste, pritet të miratohet raporti i mazhorancës.
Vëmendja mbetet e përqendruar te mundësia që mazhoranca të prezantojë një propozim për një hartë të re administrativo-territoriale. Sipas diskutimeve të deritanishme, një prej varianteve të shqyrtuara parashikon uljen e numrit të bashkive nga 61 në 50 ose edhe në 40.
Ndërkohë, ndryshimet e tjera që lidhen me ligjin për vetëqeverisjen vendore dhe financat vendore nuk pritet të trajtohen në këtë sesion, pasi shqyrtimi i tyre është shtyrë për sesionin e ri parlamentar, i cili nis në muajin shtator.
gijotina.com/
Discussion about this post