Sulmuesi belg Romelu Lukaku ka arritur të gjejë formën e tij më të mirë dhe në muajt e fundit ka qenë vendimtar me Interin e Milanos. Futbollisti me origjinë afrikane nuk dëshiron të rikthehet në Londër, pavarësisht se kërkesa e trajnerit të londinezëve Mauricio Pochettino është që ai të rikthehet.
Ndërkohë, nga ana tjetër Chelsea po ëndërron që të ketë shërbimet e portierit Andre Onana. Për të diskutuar në lidhje me merkaton, palët kanë vendosur që të takohen pas finales së Championsit, ku edhe do të diskutohet në lidhje me të ardhmen e Lukakut dhe Onanës.
Së fundmi, Interi ka hyrë në garë edhe për shërbimet e futbollistit Ruben Loftus Cheek. Mesfushori është gjithashtu në radarët e Milanit megjithatë duket se gjërat kanë ndryshuar dhe tashmë zikaltërit janë më të avantazhuar në luftën për shërbimet e tij. klubi londinez ka kërkuar 23 milionë euro për shërbimet e 27-vjeçarit, teksa Interi kërkon që ta ulë këtë shifër.
Discussion about this post