Lyon do e nxjerrë në shitje Xherdan Shaqirin në merkaton e janarit, vetëm katër muaj pasi e bleu nga Liverpooli.
Francezët e blenë Shaqirin nga Liverpool në një marrëveshje prej 11 milionë eurove në verë, duke e bërë atë lojtarin më të paguar në klub.
Megjithatë lojtari me origjinë shqiptare i Zvicrës nuk ia ka dalë të lërë mbresa në pjesën e parë të sezonit në futbollin francez dhe Lyon nuk është aspak i kënaqur.
Shaqiri nënshkroi një marrëveshje 3-vjeçare me Lyon, deri në vitin 2024 dhe merr pagë mujore prej 350.000 eurove, apo 4.2 milionë në vit.
E përditshmja franceze ‘L’Equipe’ shkruan se Lyon po kalon nëpër kohë të vështira, kryesisht financiarisht dhe do të dëgjojë çdo ofertë për Shaqirin.
Gjiganti i Ligue 1 synon të blejë sulmuesin e Saint Petersburg, Sardar Azmoun, të cilin e sheh si zëvendësues të Shaqirit.
30-vjeçari nga Gjilani ka bërë vetëm tetë paraqitje për Lyon në Ligue 1 deri tani këtë sezon, duke shënuar një gol dhe duke i dhuruar dy asiste./K.T/Gijotina.com
Discussion about this post