Presidenti francez Emmanuel Macron , i cili ndodhet në një udhëtim diplomatik në Vietnam, është pyetur në lidhje me sulmet e vazhdueshme të Rusisë.
Ai shprehet se mendon që Donald Trump po i kupton aspekte të gënjeshtrave të Vladimir Putinit në lidhje me Ukrainën, duke shtuar se shpreson që zemërimi i presidentit amerikan ndaj Putinit të përkthehet në veprime.
“Presidenti Trump e kupton se kur Presidenti Putin tha në telefon se ishte gati për paqe, ose u tha të dërguarve të tij se ishte gati për paqe, ai gënjeu. E kemi parë edhe një herë në orët e fundit Donald Trumpin të shprehë zemërimin e tij. Një formë padurimi. Tani thjesht shpresoj që kjo të përkthehet në veprime”, tha Macron.
Presidenti francez e bëri këtë deklaratë pas një postimi të Trump në rrjetet sociale, në të cilin Presidenti amerikan vlerësoi se Vladimir Putin është “çmendur plotësisht” , duke u pozicionuar kështu për sulmet masive ajrore ruse kundër Ukrainës gjatë fundjavës.
Ai shtoi se shpreson që zemërimi i Trump ndaj Putinit “të shndërrohet në veprim”.
Discussion about this post