2 punonjës të OSHEE në Sarandë janë arrestuar ditën e sotme për shkak se kishin kthyer magazinën në laborator kanabisi. Policia Sarandë ka përfunduar operacionin “Volloder”, për goditjen e veprimtarisë kriminale në fushën e kultivimit të bimëve narkotike me anë të llambave, kur nga dyshimet e më parshme dhe fal kontrolleve është bërë i mundur identifikimi i kësaj magazine të mbushur me kanabis.
Si pasojë janë vënë në në pranga 2 punonjës të OSHEE-së, shpallen në kërkim pronari dhe kontraktori i magazinës. Gjithashtu, janë sekuestruar 50 llamba elektrike, 100 bimë kanabis të kultivuara në kubikë dhe një sasi lënde e dyshuar narkotike cannabis sativa. Sipas informacione, në kuadër të këtij operacioni u arrestuan për veprën penale “Shpërdorimi i detyrës”, Vasfi Sali 57 vjeç dhe Gazi Hoxhaj 61 vjeç, banues në Sarandë, me detyrë faturist pranë OSHEE-së, pasi nuk kanë konstatuar lidhjet e paligjshme të energjisë elektrike në ambientet që ishin përshtatur për kultivimin e bimëve narkotike me anë të llambave, në zonën që ata kishin në monitorim. Ndërsa në kërkim janë shpallur Klajdi Miziri dhe Klodian Omeri. Kujtojmë se ky është rast i përsëritur kur punonjës të OSHEE për fshihen në rrjtet të tilla të trafikut të drogës.
Discussion about this post