Mançini dorëhiqet si trajner i Italisë

Roberto Mançini largohet si trajner i kombëtares italiane.

Federata Italiane e Futbollit bëri të ditur se tekniku ka dhënë dorëheqjen nga drejtimi i kampionëve të Europës 10 muaj përpara startit të “EURO 2024”.

Duket se dorëheqja ka ardhur për shkak të disa konflikteve që Mançini ka pasur me drejtuesit e Federatës për shkak të zgjedhjeve në kombëtare siç raportojnë mediat italiane.

Federata ka nisur nga puna për të gjetur zëvendësuesin e tij, me kohën që nuk është aspak në favor të italianëve.