Sociologu Gëzim Tushi ka folur sot mbi problemet që sjellin martesat e me diferencë në moshë. Duke argumentuar rreth këtë fenomeni në një intervistë televizive, Tushi tregoi se sipas një studim 13-vjeçar të bërë në Australi, i cili është publikuar në vitin 2021 rezulton se bashkëshortët me diferenca të mëdha të moshës kanë më pak gjasa të jenë të kënaqur në martesën e tyre.
Sipas tij, shkencëtarët zbuluan se çiftet që kanë diferencë të vogël në moshë janë më të sinkronizuar për vendime të rëndësishme. Nga ana tjetër meshkujt e martuar me gra më të mëdha ishin më pak të lumtur me martesën e tyre.
Më tej, Tushi tregoi se në martesat e ditëve të sotme ai vëren dy tendenca problematike. “E para është që të rinjtë e sotëm pjekurin seksuale e ngatërrojnë me moshën e martesës, dhe kjo gjë çon në martesa në moshë të re. Divorcet më të shpeshta ndodhin nga këto raste” u shpreh sociologu Tushi.
E kurse shqetësimi i dytë i tij ka të bëjë më ndarjen e bashkëjetesës dhe bashkëshortit. “Në martesat e sotme nuk bëhet diferenca mes një bashkëjetese dhe bashkëshortit. Ne me këdo mund të bashkëjetojmë por jo me të gjithë njerëzit mund të jemi bashkëshort”, tha sociologu.
Në përfundim ai tha se nuk është pro martesave që bëhen me diferencë të madhe moshe dhe sidomos në ato raste kur vajzat martohen në moshë fare të re.
