Mat/ 52-vjeçari qëllon në ajër për të kanosur fqinjin

Një konflikt për motive të dobëta mes dy banorëve të fshatit Drita, në Mat, ka përfunduar me përdorimin e armës së zjarrit.

Policia bëri me dije sot se shtetasi F. H., 52 vjeç, është shpallur në kërkim, pasi dyshohet se ka qëlluar në ajër me armë gjahu për të kanosur fqinjin e tij, shtetasin M. K., 63 vjeç, pas një debati verbal mes tyre.

Ngjarja ndodhi disa ditë më parë, ndërsa Specialistët për Hetimin e Krimeve në Komisariatin e Policisë Mat kanë referuar materialet në Prokurori dhe po punojnë për kapjen e autorit.

Sipas Policisë, konflikti ka nisur për arsye të dobëta dhe përshkallëzoi deri në përdorimin e armës. Fatmirësisht, nga ngjarja nuk ka të lënduar.