Një lajm i bujshëm ka tronditur Francën dhe Realin e Madridit me Kylian Mbappe që akuzohet për përdhunim në Suedi.
Gazeta suedeze Expressen raporton se Mbappe është duke u hetuar për përdhunim, pas një vizite të yllit të Real Madridit në Stokholm së fundmi, me francezin që e denoncoi si “lajm të rremë”.
Përdhunimi i dyshuar raportohet se ka ndodhur në hotelin “Bank” ku Mbappe ka qëndruar gjatë vizitës së tij.
Pasi gazeta Aftonbladet raportoi se një përdhunim i dyshuar ishte raportuar në polici, por nuk tha se kush ishte i akuzuar, gazeta Expressen zbuloi se 25-vjeçari Mbappe ishte i dyshuari.
“Sipas informacioneve të marra nga Expressen, policia po heton yllin që dyshohet në mënyrë të arsyeshme për përdhunim dhe sulm seksual”, shkruante gazeta.
I kontaktuar nga Agence France-Presse (AFP), kampi i Mbappe tha se nuk kishte njohuri për një ankesë ligjore të bërë kundër tij.
Sulmuesi francez, i cili nuk u përzgjodh për raundin e fundit të ndeshjeve të Ligës së Kombeve, vizitoi kryeqytetin suedez me një grup shokësh më 10 tetor. Ata darkuan në një restorant përpara se të shkonin në një klub nate. Mbappe dhe grupi u larguan nga Suedia të premten.
Paditësja, një grua, ka kërkuar trajtim të shtunën në një repart spitalor për viktimat e përdhunimit dhe ka raportuar se ka qenë viktimë e një krimi seksual. Më pas gruaja identifikoi yllin francez të futbollit si autor.
Në një postim në X, Mbappe pretendoi ky lajm ishte i rremë dhe vjen në mënyrë të “rastësishme” vetëm pak ditë përpara se ai të çojë në gjyq ish-klubin e tij, PSG, për shkak të detyrimeve të papaguara prej 55 milionë eurosh. “LAJM I RREMË!!!!. Po bëhet kaq e parashikueshme, në prag të seancës, si rastësisht”, ka postuar Mbappé.
Discussion about this post